Artist picture of Elvis Blue

Elvis Blue

12 544 fans

Artist's Top Tracks

Spore Elvis Blue 03:44
Rede Om Te Glo Elvis Blue 03:20
Christmas and Chill Elvis Blue 02:55
Chill Holidays Elvis Blue 03:10
We Wish You a Merry Christmas Elvis Blue 01:21
Langpad Alleen Pad Elvis Blue, Snotkop 03:20
Toe Ons Jonk Was Elvis Blue 03:45
Vriende Elvis Blue 03:53
Winter Jazz Fest Elvis Blue 03:35
Good King Wenceslas Elvis Blue 01:12

Similar Artists

Playlists

For every mood

Biography

Met 3 platinum en 2 goue albums, ‘n lang lys top 10 treffers bly Elvis een van die hardwerkendste en besigste kunstenaars in Suid Afrika, met sy passie om sy musiek by ieder en elk uit te bring ‘n sterk dryfveer. Sy gewildheid steek ook aan sy vermoë om aanklank te vind by oud en jong, Engels of Afrikaans en om reg oor hierdie twee genres kwaliteit musiek te kan maak. Dit is moontlik omdat Elvis self al die pad van beide voorspoed en teespoed gestap het, wat hom die plat op die aarde aanslag in sy musiek gee waarmee soveel mense van elke sfeer van die lewe kan identifiseer. Elvis het ‘n huishoudelike naam geword as die wenner van die SA Idols kompetisie wat onselfsugtig sy wengeld met die L’loyd Cele gedeel het wat die tweede plek verwerf het. Sy eerste album na die wen van die kompetisie het binne 28 dae ná vrystelling reeds goue status bereik en ‘n paar maande later het die album platinum-status bereik en is met ‘n SAMA bekroon vir Beste Volwasse Kontemporêre Album. Die opvolg album van 2013, genaamd Journey is met nie minder nie as 3 SAMA-nominasies ontvang, naamlik Manlike Kunstenaar van die Jaar, Album van die Jaar en Liedjie Van Die Jaar vir Lifeline, en het met die louere weg gestap in die Album van die jaar kategorie. Met Afrikaans het Elvis weereens voorgeloop by die SAMA-toekennings, toe die album bekroon is as die Beste Afrikaanse Volwasse Kontemporêre Album. Hierdie album het Elvis sommer op dag een van uitryk die eerste Afrikaanse sanger gemaak wat daarin kon slaag om op die Top Tien in die iTunes Stores te pryk. Afrikaans, ‘n platinum verkoper, het ook Album van die Jaar en Beste Manlike Kunstenaar by die Ghoema Toekennings in 2014 ingepalm. Daarbenewens het Afrikaans ook die Huisgenoot Tempo-musiektoekenning vir Beste Kontemporêre Album. Elvis is ook in 2015 deur sy eweknieë vereër in die wen van die Wawela Musiek toekenning vir Beste Manlike kunstenaar en Komponis – ‘n gesogte toekenning deur SAMRO uitegryk. ‘n Kort 5 jaar na sy idols wen staan Elvis reeds kop en skouers uit as die mees suskesvolle SA Idols wenner van alle tye. Nog ‘n 2015 hoogtepunt vir Elvis was sy samewerking met die doyenne van Afrikaanse musiek, Laurika Rauch. Onder die direksie van Deon Opperman, het hulle produksies Hart en See reeds reg oor die land opspraak gemaak en kan ook selfs op DVD gesien word. Die produksies, wat ook vir ‘n Kanna genomineer is, het die kategorie vir “Beste Live DVD” by die 2016 Ghoema’s gewen. Tesame met Ghoemas vir Beste Luitoon, Manlike kunstenaar van die jaar, Beste liedtjie skrywer, Beste kontemporêre album deur ‘n manlike kunstenaar en Album van die Jaar vir “Erens in die middel van nêrens” en Beste musiek video vir “Die Hemel” het Elvis met 7 Ghoema’s ‘n rekord gebreek as kunstenaar met die meeste Ghoemas ooit. “Erens in die middle van nêrens” wen ook in 2016 ‘n SAMA as Album van die jaar. In dieselfde jaar ryk Elvis ook ‘n Engelse album uit, genaamd “Optics”, met die eerste enkelsnit “The Tide” wat vir hom ‘n Wesk Kaap Bokkie toekenning afwerp vir beste musiek video, en ‘n OFM toekenning vir beste plaaslike album. In 2017 stel Elvis “Die Brug” vry, wat sy liedjieskryf en kreatiewe talent tot en met vertoon, deur die kombinering van traditionele Afrikaanse instrumente met Afrika ritmes. Die vars klanke van die album het ook by die publiek aanklank gevind, en Elvis wen weer Album van die jaar by die Wes Kaap Bokkies, kry nog ‘n Tempo nominasie en die Album loop weer met die top plek weg by die OFM toekennings as album van die jaar. Die Brug maak Elvis weereens die voorloper moet Ghoema nominasies vir 2018, 7 in totaal, en Elvis stap weg met die Ghoema vir Beste Komposisie! Elvis bly tot vandag toe die kunstenaar met die meeste Ghoema nominasies ooit! As kunstenaar wat basies “permanent” op toer is, is Elvis ‘n gewilde gesig by feeste reg oor die land. Sy vertonings is van internationale standaard, en die feit dat hy die geleentheid gehad het om vir masiewe internationale kunstenaars op toer in SA, soos UB40, Bon Jovi en Bruce Springsteen kon oopmaak, spreek daarvan. Sy vertonings is elke jaar oorspronklik en vars. In 2018 kry feesgangers die geleentheid om ‘n optrede konsep te beleef wat nog nooit in SA gedoen is nie. In Elvis se oorspronklike produksie “SAAM”, sit Elvis en sy orkes letterlik in die middle van die gehoor, vir ‘n musiek ervaring wat beide intens en intiem is. Die produksie palm ‘n Woordfees toekenning in vir Beste produksie deur ‘n Solo-Kunstenaar. Met die uitryk van sy album STORIES in 2018, bewys Elvis homself weereens as ‘n baanbreker. Die album en die saamlopende produksie, geekredo aan Elvis Blue se besonderse repertoire van beide Engelse en Afrikaanse liedere, en bekoorlike stories wat sy lewenspad beskryf. Die album en produksie titel, opgemaak uit ‘n kognaat (‘n woord wat in beide Engels en Afrikaans dieselfde lees en spel) reflekteer die veelseidigheid wat gehore en aanhangers neem uit die musiek. Elvis vertolk van die gewildste liedere van alle tye, soos Living Years van Mike & the Mechanics, en Cat Stevens se Wild Word, asook oorspronklike treffers. Die album bly vir weke op die iTunes top 10 by uitreik in Junie 2018 en verwerf 3 Bokkie nominasies met die enkelsnit BERG wat vir weke op die SA Top 20 se nommer een sit. Elvis, te same met Juan Floors Oosthuizen verwerf ‘n Ghoema vir beste produksie vir hierdie album. In 2019 werk Elvis saam met Theuns Jordaan aan die lied JOU HUIS, die eerste enkelsnit vanaf die album met dieselfde naam. Hierdie unieke duet het sommer op dag van vrystelling die nommer 1 posisie op die iTunes treffer ranglys ingeneem en het ook vir maande daai posisie op die SA Top 20 behou. Maroela media het di took in 2019 aangewys as een van die liedjies van die jaar! Die album, wat in Mei vrygestel is, praat spesifiek tot die harte van Suid Afrikaners beide hier en oorsee. Sy volgende verrassende spanmaat was die sokkie en rymklets legend Snotkop, wat rolle geruil met hom vir Elvis se enkelsnit – Langpad Alleenpad. Die JOU HUIS album is in 2020 vir ‘n SAMA genomineer in die kategorie Beste Kontemporere Musiek album en het weereens vir Elvis ‘n Bokkie nominasie ook gebring. Covid 19 het in 2020 ruinasie gebring in die musiek bedryf, maar Elvis, nie een om terug te deins vir ‘n uitdaging nie, het nietemin voortgebeur met die oopmaak van sy padstal, Elvis Brew Co, in George, wat sy liefde vir goeie koffie en eg Suid Afrikaanse dinge na sy tuisdorp bring. Elvis is ‘n man met ‘n groot hart, wat ook bekend is vir sy aanwending van sy media platform vir liefdadigheids werk. Hy beywer hom veral vir 2 liefdadigheids organisasies wat hom besonders na aan die hard lê, naamlik Casterbridge Musiek Akademie waar minder bevooregte kinders aan musiek en instrumente bloodgestel word, asook vir Life Community Services in George waar baie kinders se lewens aangeraak word. Sy eie initiatief, genaamd “The Cookiejar”, maak dit moontlik vir enige een wat ‘n optrede bywoon om ‘n direkte verskil te maak deur ‘n eenvoudige bydrae van los kleingeld en in 2016 het Elvis en sy span meer as R90 000 ingesamel vir spesifieke Projekte en in 2017 reeds oor die R100 000 vir verligting na die Tuin Roete brande. Vir sy nuutste projek, bou Elvis, tesame met ‘n groep ander bekendes, ‘n nuwe skool, sopkombuis en naskool sentrum vir Life Community Services. Oorspronklik, ‘n baanbreker, passievol Suid Afrikaans, ‘n industrie kenner, ‘n storie man, ‘n man op ‘n missie. Dit is Elvis Blue.