Letras
ألحان : سامى الحفناوى
باحبك كده.. كده زي ما أنت
بغيرتك عليا و قسوة عتابك
بشكك و ظنك.. و ثورة شبابك
بفرح في قلبي عشان بتعاتبني
و تخاف عليا كتير و تحاسبني
بحس في كلامك بنار حب قايد
و نار وجد زايد
و أحس في كياني انك باقي لي و أنك شاريني
شعور يا حبيبي بيرضي غروري
و انا في شعوري..
باحبك كده زي ما أنت
يسعدني تسأل أنا رحت فين
و يرضيني تعرف كمان جيت منين
أحب تشاركني دقايق حياتي و ترضي ظنونك
قلبي و عواطفي و جميع إحساساتي تشوفهم عيونك
شعور يا حبيبي بيرضي غروري
و انا في شعوري..
باحبك كده زي ما أنت
عبد الوهاب محمد
Qanawat