Songtext
هل في طريقة للرجوع للحياة؟
بعد الحقيقة وبعد اللي شوفناه
بعد انعدام الإنسانية والرجوع للجاهلية
والمشاهد المأساوية وكل اللي عيشناه
هل في طريقة نبتسم ونعيش
والناس هناك يومهم ميعديش
مع إننا نفس القضية كلنا نفس الضحية
الفرق بينا خطوتين يعني المسافة مفيش
بعد استماع صوت الآهات ع التليفونات
رؤيا الوشوش المقهورين جوة الشاشات
بعد ما عرفنا الآلام وعيونا بطلت تنام
وحضرنا قتل الأُمنيات
وشوفنا ناس بقلوب حجر، عُمي النظر
إخترعوا أسباب للسكات
ميهمهومش لا صوت صريخ ولا صوت عياط
ويهمهم صوت ضحكهم وقت الحداد
هل فيه طريقة للرجوع للحياة؟
بعد سمع بُكاء البنات ع الأمهات
وجع الأم وحزنها خوفها وكسرة قلبها
قلة حيلتها وضعفها وأملها تحصل معجزات
هل في طريقة نبتسم ونعيش
والناس هناك يومهم ميعديش
مع إننا نفس القضية كلنا نفس الضحية
الفرق بينا خطوتين يعني المسافة مفيش
بس إحنا برضو مؤمنين بالله
مين يهزم اللي ربه واقف معاه
هنشوف على وشوشهم في يوم
نفس الألم نفس الوجع والكسرة
والخوف والهموم
والفرق بينا إننا مِسلمين لربنا
و وعده لينا إننا هنقوم
والفرق بينا إننا مِسلمين لربنا
و وعده لينا إننا هنقوم
هل في طريقة للرجوع للحياة؟
بعد الحقيقة وبعد اللي شوفناه
بعد انعدام الإنسانية والرجوع للجاهلية
والمشاهد المأساوية وكل اللي عيشناه
Ahmed Bahaa, Mohamed El Shafei
Mazzika Group