My first single released on the 14th of April.
Alouise maak debuut as solokunstenaar met eerlike akoestiese snit
In Alouise Peens se debuutenkelsnit as solokunstenaar, Dis Jy, maak sy hart oop oor haar gevoelens van jaloesie en verlange wanneer sy nie naby haar geliefde kan wees nie.
Dis Jy is ‘n rou en eerlike, akoestiese-popliedjie uit Alouise se eie pen. Alouise is ‘n bekwame musikant wat bekend is as musikant in onder meer Bok van Blerk se orkes.
In Dis Jy sing sy oor hoe alles naby aan die persoon vir wie sy lief is kan wees, behalwe sy self.
Alouise sê dit was belangrik om eg te wees met die lirieke, aangesien dit haar eerste enkelsnit is. Dit moet luisteraars laat dink aan iemand wat vir hulle spesiaal is en na spesiale tye vervoer.