عيوني بتنزف دم مش دمع
فش صاغي فش مستمع
بنغني للحيطان بدون الوعي
بنتعب عحالنا بنحب السعي
كيف هيك او ليش كيف
أسأل حالك تسألنيش
انتوا اللي جبتوا الحكي فلحالكوا
لازم تعترفوا بالذنب بالذنب
عمرك ما ترضى تنذل
عمرك ترضى تفشل
رح تلقى كثير ابواب بوجهك
بس قاتل لتوصل حلمك وتحتل
ولع البيت صالح بعمل ليخة
ركز بمرايتي انا شايف طيفك
ارضي ضحلة ما بتتوازن فيها
بحكي ليريكس انا حاسس فيها
بنغني لبلاد بنغني لاوطان
بنغني للناس فبنرمي اشواك
بنعطي ببلاش وبنسمع صرخات
ما نسيناهم لسا فينا الاموات
بخاف ارسب بهالحياة
بنعرف وسائل نجاة
سهلة بس ما بدنا نشوف
فبنحكي وبنشكي وبنلوم الظروف
ما بنعرف كيف احنا بننام
بسأل حالي كيف بغفى
بس بعرف حياتي اقسام
وهي نفسيتي عم بتموت بدي اشفى
عيوني بتنزف دم مش دمع
فش صاغي فش مستمع
بنغني للحيطان بدون الوعي
بنتعب عحالنا بنحب السعي
تعبنا من خطى النجاح
زهقنا بنواسي الرياح
منلم بالحزن والاسى ياللي فينا
وعقد ما غلطنا ذنوبنا عم بتغطينا
بنامن بالقدر ليش جلب الحبيب
بنعرف الخطأ عنفس الطريق
بنترك الجنة بنختار الحريق
بنعيش مكتئبين طول ما بناخذ شهيق
مترعرع في بيت وامان
بنكر وجود الكيان
بنعرف كيف نحكي ونجيب
حقوق وفش عنا حكي بطير
فكنا من برا تع شوف كيف عمان
بنحب اراضينا وبنحب السكان
انوار الشارع عالفجر بتراضينا
والضجة الخميس من الناس بتواسينا
شبعنا نشوف ناس شبعانين
بخبي المصاري بأيده اليمين
بمدلك ايده الشمال ومعيش
بعطيه من قطاعي مستخسر اعيش
اعمل خير يوم رح يجيك لبكرة
رمضان صوم بس العيد لبكرة
تغلط فيي رح احكيلك شكرا
بس الدنيا بتدور افهم هاي الفكرة
شفنا معارك وحروب
معروف بالنهاية في طرف ينكسر
في حرب قامت بين العقول, القلوب
بس دايما للأسف قلوبنا رح تنتصر
ليش مستعجل لسا الساعة تسعة
بدرس برا لأنه الدنيا وسعت
معنا مصاري كثير بنتمصرف
وانا لسا بمكاني مش عم بتصرف