Lyrics
فيدني دفتري دفترك
استفادة جماعية
شوف
دير بالك يجي يوم يخلص فيه الفيلم
بتسمي كلماتك ناضجة ودفترك لسا بيحتلم
آه الفرعي تلم لأنه ياما رابرز بزم
عالي زي العلم إنت مجرد رقم
لم أصحابك يجاملوك ع أساس إنه زخم
الأرقام بتعمل "جروب" ضخم بس ولا واحد فخم
تحمل كل اللخم لأني أتيت لأصارحكم
إنت و كل هاي النمر زي لتشييك مزارعكم
بدك تحاول كتير عشان تفهم أسلوبي
أكتر من محاولات اغتيال الزعيم الكوبي
و تمر بإجراءات عديدة زي العريس النوبي
لازم وانت بتغني تلعب رياضة بنفس الوقت زي روبي
مملكة كلماتي بيدخلهاش الفتى الساذج
لازم تروح تجيب طلبات و تعبي كتير نماذج
بدك كلمة سرية و فرك مصابيح سحرية
بطلعلك طلب من التلاتة عشان الأزمة الإقتصادية
ما في تعامل بودية و ما في مع الوجبة هدية
لإنك مش فنان بس جاي تتشعبط على القضية
رح تقعد من مكتب لشباك لمكتب إتطارد
فهمت هلأ ليش كان المارد أسلوبه بارد؟
دفتري انسرق دفترك انحرق
كل الدفاتر من ورق دفترك ما بينقرآ
الدفاتر معبيه السوق و بدل النوع عشرة
بس دفتري و دفترك مش جايين من نفس الشجرة
دفتري انسرق دفترك انحرق
كل الدفاتر من ورق دفترك ما بينقرأ
الدفاتر معبيه السوق و بدل النوع عشرة
بس دفتري و دفترك مش جايين من نفس الشجرة
هدا إلي عم تسمعه اسمه نظام توعية ترفيهي
في ناس بدهم ألبومي الأول مادة للتوجيهي
انت بتنشر على شعب نشيد نشاز تقليد
بس بيلزمك فت كتير المشكلة إنه ما في سميد
بإختصار بخ شو صار؟ بخيتله نأز
باختبار باختيار أنسب رمز
لقيت إمسيز بغشوا من بعض بسؤال الدوائر
واقفين بدوائر مش دارسين زي موظفين الدوائر
فرع المداخل من الأول للآخر
بقلب على فنانين هز الذناب زي فضل شاكر
شوف يابا الراب العربي مفيش فيه واسطة
ما تقوليش إبن خالتك بعمل راب لأصير واصلك
بحارتك أحاصرك بفنون معاصرة
عميد كليتك لو سمعك من زمان صار فاصلك
في ناس بفكروا هاي الموسيقى زي قعدات الشدة
إذا مصرين قلهم إني "تريكس كومبليكس" و إنت "باصرة"
ابتكارية معدومة كيف بدك الناس تنتشي
زي كمان مطعم بعمان فتح إسمه "اشي واشي"
بركلك ركلة بخليك تطلع رحلة
تنسى أفكارك السهلة و أول ما ترجع تختفي
مش كراهية مني بس عنجد سحقا لك
تباً لك خليتها تفك ماذا بك؟
هاي قلم بيك و بخمس و ستين قرش شيك
إشتريلك دفتر جديد و بلش براسك حك
دفتري انسرق دفترك انحرق
كل الدفاتر من ورق دفترك ما بينقرأ
الدفاتر معبيه السوق و بدل النوع عشرة
بس دفتري و دفترك مش جايين من نفس الشجرة
دفتري انسرق دفترك انحرق
كل الدفاتر من ورق دفترك ما بينقرأ
الدفاتر معبيه السوق و بدل النوع عشرة
بس دفتري و دفترك مش جايين من نفس الشجرة
TAREQ ALI MOHD ALI ABU KWAIK
O/B/O DistroKid, Songtrust Ave