Lyrics
Гараць Камяні майго вогнішча расьцьвеленыя агнём
Нібы ваўчаняты ў логвішчы сонечным прамянём
У твар мне шугае полымя, ды я ўсё адно бяру
Каменьні рукамі голымі і гэткім, як сам, дару
Бяруць і да сэрцаў туляць - няхай нас ратуе боль
І вучыць пра бліжніх думаць, пра тых, хто гібее ў золь
Пра тых, хто прамёрз да костак, хто шлях да агню згубіў
Хто д'яблу чырвоным хростам Айчыну сваю пазбыў
Дай Бог, каб маё каменьне аднойчы іх апякло
Прымусіла ўстаць з каленяў - пайсьці на маё сьвятло
Я - тут! Я шугаю полымем! Праз боль я зь сябе бяру
Каменьні рукамі голымі і гэткім, як сам, дару
Дай Бог, каб маё каменне Жар-птахам дайсьці змагло
Да тысячных пакаленьняў і сэрцы іх апякло
Da tysiačnych pakaleńniaù i sercy ich apiakło
Anatol Sys
O/B/O DistroKid